Deputetja laburiste kundër Brexit në Britaninë e Madhe, Jo Cox, është vrarë gjatë një atentati me armë zjarri në Birstall, pranë Leeds, në zonën në të cilën ishte zgjedhur.
Agresori, një 52-vjeçar emri i së cilit sipas burimeve lokale është Tommy Mair, është arrestuar. Sipas dëshmitarëve, ai ka bërtitur “Britain First” (Britania mbi të gjitha). Kjo gjë për momentin as nuk është pranuar e as nuk është mohuar nga ana e policisë.
Agresori ka qëlluar tre herë me armë mbi deputeten. Lajmi është konfirmuar për BBC nga Clarke Rothwell, dëshmitar okular në vendngjarje. Goditja e fundit është bërë nga një distancë shumë e shkurtër dhe ka qëlluar deputeten në kokë. Hetuesit britanikë shprehen se ende nuk dihet nëse deputetja Cox është sulmuar për shkak të pikëpamjeve të saj kundër daljes së Britanisë nga Bashkimi Europian. /tesheshi.com/
