Shqetësuese është përhapja e një sëmundjeje që i kthen pëllumbat në Britani në “zombie” me qafë të shtrembër përpara se t’i vrasin.
Në Jersey janë shfaqur rastet e para të paramyxovirusit, i cili shkakton sëmundjen e Newcastle.
Autoritetet tani kanë frikë se sëmundja do të përhapet shpejt te pëllumbat ose shpendët në pjesë të tjera të vendit. Tashmë në Jersey shumë nga zogjtë e infektuar janë vrarë.
Në të njëjtën kohë, strehimoret e kafshëve kanë dhënë alarmin për sëmundjen, e cila shkakton simptoma të tmerrshme dhe në fund të fundit vdekjen.
Pëllumbat tregojnë humbje të rëndë në peshë, njolla kronike të gjelbër dhe paaftësi për të fluturuar dhe për të lëvizur në vijë të drejtë. Gjithashtu, ka një dridhje në krahë dhe këmbë gjatë përdredhjes së qafës së tyre në kënde të pazakonta.
Virusi mbijeton më së miri në muajt e ftohtë dhe të lagësht, kështu që zogjtë e robëruar si shpendët janë më të rrezikuarit.
Për fat të mirë, virusi nuk është i rrezikshëm për njerëzit.
Megjithatë, për zogjtë nuk ka shërim, megjithëse trajtimi mund të lehtësojë simptomat dhe vdekja vjen brenda pak ditësh. /tesheshi.com/
