Pas fushatës së mbetjes apo daljes së Britanisë së Madhe në periudhën prej 16 deri 30 qershor, në tërë vendin janë shënuar 3,076 vepra penale të nxitura nga urrejtja, ka deklaruar kreu i këshillit nacional të krerëve të shërbimeve të policisë së Britanisë së Madhe.
Numri më i madh i incidenteve kanë ndodhur me 25 qershor, një ditë pas publikimit të rezultateve të referendumit për EU, me ç’rast janë shënuar 289 raste të veprave penale të nxitura nga urrejtja.
“Ne tashmë kemi një tregues të qartë të rritjes së raportimit të veprave penale të urrejtjes në nivel kombëtar, dhe poashtu shohim se ka pasur një rritje të mprehtë të këtyre rasteve gjatë javëve të fundit”, ka thënë ai, duke shtuar:
“Kjo është e papranueshme dhe dëmton diversitetin dhe tolerancën, në vend se t’i celebrojmë ato”, ka thënë Hamilton.
Kryeministri David Cameron e ka ngritur këtë çështje para parlamentit, duke kujtuar në, siç ka thënë ai, në grafitet “plot urrejtje” të mbishkruara nëpër Qendrën e komunitetit polak, të cilat janë drejtuar në mënyrë direkte në pjesëtarët e pakicave kombëtare.
“Nuk do të tolerojmë krime të urrejtjes; ato duhet të zhduken në tërësi”, ka thënë Cameron para deputetëve.
Prej 3.076 rasteve të lajmëruara të veprave penale të urrejtjes, ato më së shumti kanë të bëjnë me ngacmime, sulme, abuzim verbal dhe pështyerje.
/tesheshi.com/
