Kryetari i Gjykatës Kushtetuese do të jetë përgjegjës për mbledhjen e kabinetit qeveritar, i cili do të ketë mbështetjen e Parlamentit deri në zgjedhjet e ardhshme.
Presidenti austriak Alexander Van der Bellen vendosi të enjten që kryetarja e Gjykatës Kushtetuese të vendit të jetë kancelare e përkohshme, pasi parlamenti rrëzoi qeverinë e Sebastian Kurz pas një video-skandali me zëvëndësin e tij.
Ajo është Brigitte Bierlein, e cila ka barrën historike që si e para kancerale në historinë e Austrisë, duhet të formojë një kabinet qeveritar dhe të marrë mbështetjen e parlamentit deri në zgjedhjet e ardhshme, të cilat duhet të mbahen në shtator.
“Brigitte Bierlein është kryetare e Gjykatës Kushtetuese austriake dhe brenda pak ditësh do të emërohet një kancelare austriake”, tha Van der Bellen në media.
“Qëllimi më i rëndësishëm në këtë kohë është të kontribuoj në qetësimin e tensioneve dhe në ndërtimin e besimit te të gjitha partitë në Austri, Evropë dhe gjithë botën”, tha Brigitte Bierlein.
Për herë të parë që nga Lufta e Dytë Botërore, arlamenti austriak shprehu mosbesimin ndaj një kancelari dhe qeverisë së tij, duke bërë që pas 525 ditësh, mandati i Kurz të përfundojë. /tesheshi.com/
