Kryeministrja britanike Theresa May ka befasuar kur tha se Presidenti Trump e këshilloi atë që të padisë Bashkimin Evropian si pjesë e strategjisë së saj Brexit.
“Ai më tha se unë duhet të padisë BE-në, të mos negocioj”, i tha May BBC-së.
Kryeministrja britanike mbrojti planin e saj për Brexit dhe i bëri thirrje kritikëve që ta mbështesin atë.
Ajo tha se do të lejonte Britaninë të tregtonte me kombet e tjera, t’i jepte fund lëvizjes së lirë të njerëzve dhe juridiksionit të Gjykatës Evropiane të Drejtësisë.
Të enjten, Theresa May shpjegoi detajet e planit të saj, i cili përkrahë lidhje të ngushta me BE-në në lidhje me tregtinë e mallrave, por kjo nuk vlen për shërbimet.
Donald Trump nga ana e tij, në një intervistë për The Sun tha se Britania e Madhe “nuk ka gjasa të sigurojë një marrëveshje tregtare me SHBA nëse vazhdon me planin e kryeministres për Brexit.
Ai tha se plani i kryeministres “ndoshta do të vriste marrëveshjen”, sepse do të thoshte se Shtetet e Bashkuara do të “bashkëpunonin me Bashkimin Evropian” dhe jo me Britaninë e Madhe. /tesheshi.com/
