Nisin sërish polemikat mbi imigracionin dhe kontrollin e kufijve për debatin mbi daljen e Britanisë së Madhe nga Bashkimi Europian (Brexit). Këtë herë përplasja ka qenë mes ministrave të qeverisë konservatore të David Cameron. Ka qenë ministri i Drejtësisë, Michael Gove, i cili bashkë me një koleg të tijin, eksponent euroskeptik, Boris Johnson, ka lëshuar alarmin mbi sigurinë, duke akuzuar BE-në për “ekspozim ndaj rrezikut të terrorizmit”
Gove pranoi se nuk mund të ruajnë kufijtë dhe njëkohësisht të parandalojnë e të pengojnë që në vend të hyjnë persona me precedentë penalë apo që janë të dyshuar për lidhje me terrorizmin. Në një replikë, ministri i Thesarit, George Osborne, konservator sikurse edhe Gove, është bashkuar me mendimin e kryeministrit Cameron, kundër “divorcit” nga Brukseli. Sipas tij, propozimet e zërave që janë kundër BE-së për shkak të imigracionit, janë të pabaza dhe jo racionale, veçanërisht nga pikëpamja ekonomike.
Banka Qendrore Evropiane ka kërkuar që Britania të mbetet në BE, por theksoi se ajo ishte “e gatshme të pranonte çdo vendim” në lidhje me rezultatin e referendumit të 23 qershorit. /tesheshi.com/
