Referendumi për shpërndarjen e emigrantëve nuk i ka ngrohur zemrat e politikanëve hungarezë.
Sipas të dhënave zyrtare nga qeveria e Budapestit, votimi i ditës së dielë, 2 tetor, nuk ka arritur kuorumin prej 50 për qind.
Kutitë e votimit janë mbyllur në orën 19 dhe përqindja e pjesëmarrjes është ndalur në 43%. Edhe sipas sondazheve, nuk pritej që të merrnin pjesë më shumë se 45 për qind.
Megjithatë, kryeministri Viktor Urban ka deklaruar: “Nuk ka rëndësi nëse referendumi është i vlefshëm apo jo, kjo do të ketë pasoja juridike gjithsesi. E rëndësishme është që ‘Jo-të’ janë shumicë.”
E në fakt, kështu ndodhi: 95% e votuesve janë deklaruar kundër kuotave të shpërndarjes së emigrantëve të vendosura nga Brukseli.
Qeveria e krahut të djathtë e kryeministrit Urban e ka kundërshtuar planin e BE-së, i cili kërkon që të shpërndajë 160 mijë azilkërkuesit në 28 vendet anëtare me anë të kuotave të detyrueshme.
Sipas kësaj skeme, Hungaria do të duhej të merrte më pak se 1 mijë e 300 vetë, por deri tani nuk ka pranuar asnjë person të vetëm.
Kjo “jo” e hungarezëve, gjithësesi ëshë një goditje për Europën.
Jo më kot ajo është konsideruar dhe si një tjetër “Brexit” pas atij të Britanisë. /tesheshi.com/
