Ndërkohë që debate të shumta po bëhen në Britaninë e Madhe pro dhe kundër Brexit, pra daljes së Britanisë nga Bashkimi Europian, nuk ka ngelur pa komentuar këtë situata, e cila pritet të finalizohet me referendum, edhe presidenti i Komisionit Europian, Jean Claude Juncker.
“Dua t’ju them zgjedhësve britanikë se nuk do të ketë asnjë lloj negociate tjetër pas asaj të vendosur në muajin shkurt me Bashkimin Europian. Një votë kundër është dalja nga Bashkimi Europian”, – ka thënë Juncker duke folur për Brexit.
Ai ka kujtuar se kryeministri britanik David Cameron “ka marrë maksimumin e asaj që mund të merrte dhe ne kemi dhënë maksimumin e asaj që mund të jepnim në lidhje me Britaninë e Madhe”. /tesheshi.com/
