“Mes Mbretërisë së Bashkuar dhe Bashkimit Europian nuk ka për të pasur një divorc konsensual, por nuk ka pasur as ndonjë histori të madhe dashurie”, -ka thënë presidenti i Komisionit Europian, Jean-Claude Juncker, në një intervistë për televizionin gjerman Ard, duke përsëritur dëshirën për të nisur menjëherë negociatat me Londrën pas vendimit për Brexit.
“Nuk e kuptoj se përse qeveria britanike ka nevojë të presë deri në muajin tetor për të vendosur nëse do t’i dërgojë apo jo letrën e divorcit Brukselit. Do të doja ta kisha menjëherë në dorë”, – ka shtuar Juncker.
Edhe për Angela Merkel është pikërisht qeveria britanike ajo që duhet të japë informacione se si pretendon të procedojë për procesin e daljes nga BE-ja.
“Tratativat nuk mund të zgjasin përjetësisht, por i takon Britanisë së Madhe të bëjë lëvizjen e para”, – ka thënë kancelarja në një konferencë pas përfundimit të mbledhjes së partive kristiane.
“Mendoj se edhe Britania e Madhe do të vendosë në praktikë vendimet e marra nga referendumi. E rëndësishme është që deri sa marrëveshja e daljes nuk është përcaktuar dhe definuar, Britania e Madhe do të qëndrojë anëtare me të drejta dhe detyrime të plota në BE”, – ka shtuar Merkel. /tesheshi.com/
