Presidenti i Komisionit Evropian në largim, Jean-Claude Juncker tha se ai besonte që Mbretëria e Bashkuar do të largohej nga Bashkimi Evropian deri më 31 janar 2020.
Ai tha se Brexit ishte “një histori shumë e gjatë, së cilës duhet t’i jepet fund”.
Duke komentuar pretendimet e kryeministrit britanik Boris Johnson se ai do të negocionte një marrëveshje tregtare me BE para fundit të dhjetorit 2020, Juncker tha se disa deputetë në parlamentin e Mbretërisë së Bashkuar mendojnë se negocimi i marrëveshjes do të jetë i lehtë dhe kujtoi se bisedimet për tregtinë e lirë me Kanadanë zgjatën me vite.
Ai mendon se premtimi parazgjedhor i laburistëve se nëse ata fitojnë zgjedhjet parlamentare të 12 dhjetori do të rinegociojë një marrëveshje të re me BE-në, është një qasje jorealiste.
“Atëherë unë nuk do të jem më në këtë pozicion. Kështu që Komisioni tjetër (Evropian) do ta vendosë atë, por sinqerisht nuk mendoj se është një qasje realiste”, tha Juncker.
Mbretëria e Bashkuar duhej të linte BE-në më 31 tetor, por me një zgjatje të re të aprovuar nga BE-ja, tani afati i daljes është 31 janari i vitit 2020. /tesheshi.com/
