Përfaqsuesja e ekstremit të djathtë nacionalist në Francë, Marine Le Pen, tha se 2017 do jetë një viti zgjimi për Europën, duke iu referuar zgjedhjeve që do mbahen në disa shtete. Deklarata e saj ishte tregues i një euforie pas ardhjes së Donald Trump në krye të Shtëpisë së Bardhë, njeri i betuar për të prishur statuskuone politike të aksit Uashington-Bruksel
Gjatë një kongresi në Coblence të Gjermanisë me partiv anëtare të grupit Evropa e kombeve dhe e Lirive (ENL) e Parlamentit Evropian, ajo tha se pas suksese befasuese të “Brexit” dhe të Donald Trumpit në SHBA, 2016 ka qenë viti i rizgjimit të botës anglosaksone, e që sipas saj 2017 do jetë viti i rizgjimit për popujt e Evropës Kontinentale.
“Tashmë duhet të kalojmë në fazën e ardhshme, fazën ku nuk do të kënaqemi më me faktin e të qënit një pakicë në Parlamentin Evropian, fazën ku do të marrim shumicën në çdo proces votimi”, u shpreh udhëheqësja e Frontit Kombëtar, e cila mori duartrokitjen e disa qindra të pranishmëve në këtë takim me fjalimet e saj të nxehta mbushur me nota populizmi. /tesheshi.com/
