arlamentarët britanikë kanë lënë ndërtesën e Parlamentit Evropian, duke mbajtur flamurin e vendit të tyre, e shënuar kështu daljen e Mbretërisë së Bashkuar nga BE. Në këtë mënyrë, mbaroi afati i tyre në Parlamentin Evropian.
Zyrtarët e Bashkimit Evropian kanë thënë më parë se puna do të fillojë të hënën në një pozicion negociues për një periudhë tranzicioni gjatë së cilës do të bien dakord marrëdhëniet e mëtejshme Union-Britani.
Presidentja e Komisionit Evropian, Ursula von der Leyen, tha “kjo është një ditë e trishtuar për Bashkimin”, por që forca e organizatës është “e përbashkët, jo në izolim”.
“Ne duam të kemi marrëdhëniet më të mira të mundshme me Mbretërinë e Bashkuar, por ato kurrë nuk do të zëvendësojnë përfitimet e anëtarësimit,” tha Von der Leyen.
Udhëheqësit e tjerë të BE-së kanë thënë se Unioni dëshiron marrëdhëniet më të mira të mundshme me Mbretërinë e Bashkuar pas daljes së tij, por kujtuan se ato nuk mund të jenë të njëjta siç ishin kur ishte anëtar.
Sa më shumë që Mbretëria e Bashkuar të largohet nga standardet e BE pas Brexit, aq më pak akses do të ketë në tregun e vetëm evropian, tha Presidenti i Këshillit Evropian Charles Michel.
“Nuk ka asnjë moment të lumtur kur dikush largohet, por ne po hapim një kapitull të ri,” tha Michel në një konferencë të përbashkët shtypi në Bruksel me Presidenten e KE-së Ursula von der Leyen dhe Presidentin e Parlamentit Evropian, David Sassoli.
Ata gjithashtu thanë që BE tani do të përqëndrohet në luftimin e ndryshimit të klimës dhe avancimin e dixhitalizimit, raporton Reuters.
Dalja e Mbretërisë së Bashkuar nga Bashkimi Evropian do të thotë “një ndryshim” dhe “agimi i një epoke të re”, tha kryeministri Boris Johnson, i cili dëshiron të bashkojë vendin pas tre vjet e gjysmë ndarje mbi Brexit.
“Ky nuk është fundi, por fillimi”, tha udhëheqësi konservator në fjalimin e tij drejtuar kombit, një orë para daljes historike të MB, i cili do të jetë vendi i parë që do të largohet nga BE. /tesheshi.com/
