Britania e Madhe po miraton masa të reja për të ndihmuar shtetasit e saj që jetojnë në Bashkimin Evropian që të kompletojnë aplikimet për leje-qëndrim, përpara Brexit-it.
Financimi i fondeve prej tre milion funtesh do të vihen në dispozicion për organizatat vullnetare, të cilët do t’i informojnë njerëzve ndihmën e nevojshme për t’u regjistruar ose për të aplikuar për qëndrim
“Mbretëria e Bashkuar do të largohet nga BE në 31 tetor dhe ne duam të ndihmojmë shtetasit tonë që jetojnë në të gjithë BE të jenë plotësisht të gatshëm për daljen, pavarësisht rrethanave. Ky financim do të sigurojë që njerëzit të marrin mbështetjen që duhet për të mbrojtur të drejtat e tyre të qëndrimit dhe qasje në shërbime, “tha Sekretari i Jashtëm Dominic Raab.
Mbi 1 milion shtetas të Mbretërisë së Bashkuar aktualisht jetojnë në BE dhe vendet e Shoqatës Evropiane të Tregtisë së Lirë EFTA (Islanda, Lihtenshtajni, Norvegjia dhe Zvicra).
Qeveria tha se dëshiron të mbështesë ata që mund ta kenë më të vështirë plotësimin e të gjitha dokumenteve për Brexit, duke u përqendruar te pensionistët ose personat me aftësi të kufizuara, ata që jetojnë në zona të largëta ose me vështirësi lëvizshmërie, dhe ata që kanë nevojë për ndihmë me përkthimin ose interpretimin e gjuhës. /tesheshi.com/
