Banesa e shefit të qarkullimit të Mirditës Gjovalin Toma është sulmuar me armë rreth orës 03:00 të mëngjesit të së
shtunës.
Fatmirësisht nga të shtënat me armë nuk ka të lënduar.
Plumbat kanë goditur muret e shtëpisë, ndërsa dy plumba kanë depërtuar në brendësi të saj.
Menjëherë pas marrjes së njoftimit forcat e policisë kanë mbërritur në vendngjarje ku kanë nisur hetime, si edhe janë ngritur postblloqe.
Ende nuk dihen shkaqet e ngjarjes teksa mësohet se janë ngritur disa pista hetimi ndër të cilat dhe ajo për shkak të detyrës.
Nga të dhënat e para mësohet se Gjovalin Toma ka deklaruar se nuk ka konflikte, ndërsa nënvizon se një mundësi është edhe ngatërrimi i shënjestrës
Pas ngjarjes së ndodhur në Elbasan ku një mjet i blinduar goditi automjetin e policisë, ku ndodhet edhe zv.drejtori i qarkut, ky është rasti i dytë kur një punonjës policie sulmohet nga persona të paidentifikuar. /tesheshi.com/
