Sulmi, i përshkruar nga kryeministri Jacinda Ardern si një akt terrorist, është lloji më i keq i krimit në kohë paqeje në Zelandën e Re.
Policia e Zelandës së Re ngriti më në fund aktakuzë ndaj shtetasit australian Brenton Tarrant, i cili vrau 50 vetë në një sulm mbi dy xhami në Christchurch.
Tarrant fillimisht u akuzua për vrasje, por gjykatësi tha se numri i padive do të rritet në mënyrë të pashmangshme. Ai tani është akuzuar për 50 akuza për vrasje dhe 39 akuza për vrasje në tentativë.
Australiani u shfaq për herë të parë në gjykatë të shtunën, më 16 mars. Ai nuk u deklarua fajtor ose kërkoi dorëzani.
Më 15 mars, Tarrant hyri në xhaminë Al Nnoor, në kohën e lutjes dhe hapi zjarr. Ai gjuajti më shumë se 100 të shtëna vetëm brenda xhamisë, duke patur të paktën gjashtë armë me vete.
Sulmuesi pastaj kaloi për shtatë minuta në një xhami tjetër në periferi të Linëood, ku vazhdoi masakrën e tij.
Tarrant, 36 minuta pas njoftimit të parë të sulmit, u arrestua në një makinë në të cilën, ku sipas policisë, kishte pajisje të improvizuara shpërthyese.
Kryeministrja Jacinda Ardern e përshkroi aktin terrorist si krimin më të rëndë për paqen e Zelandës së Re. /tesheshi.com/
