Ekipi skocez i Sëlltikut, që sapo u shpall kampion për herë të pestë radhazi, do të ketë për trajner Brendan Rodgers-in.
Ai zëvendëson në këtë detyrë norvegjezin Ronny Deila, dhe bëhet i 18-ti trajner në historinë 128-vjeçare të klubit të Gllazgout. Rodgers do të jetë njëkohësisht trajneri më i paguar në historinë e futbollit skocez.
Irlandezoveriori do ta çonte Liverpulin pranë fitimit të Premier League-s në Angli dy zone të shkuara, për ta humbur trofeun vetëm në ndeshjen e fundit të kampionatit. Brendan Rodgers do të shkarkohej tetorin e shkuar për rezultate tejet të dobëta me Liverpulin, me vetëm një fitore në nëntë takime.
“Jam absolutisht i kënaqur që emërohem trajner i Sëlltikut. Ky është vërtet një nder shumë i madh për mua. E kam ndjekur Sëlltikun gjatë gjithë jetës sime, e është një ëndërr e bërë realitet të më jepet kjo mundësi fantastike dhe të jem pjesë e një klubi të tillë vërtet të madh,” ka deklaruar Rodgers.
Detyra parësore e trajnerit të ri do të jetë kualifikimi i Sëlltikur për në fazën e grupeve të Champions League-s, diçka që nuk ngjet që nga viti 2013. Për të patur si objektiv më pas daljen fitues në rivalitetin me Gllasgou Rejnxhërsin, rivalin e përjetshëm në futbollin skocez, që sapo është kthyer në kampionatin elitar pas një mungese katërvjeçare. /tesheshi.com/
