Një fëmijë i sapolindur është lënë vetëm në diell, brenda një makine. Policët kanë ndërhyrë me shpejtësi, kanë thyer xhamin e makinës dhe kanë shpëtuar të voglin. Mirëpo, pikërisht në atë moment mësuan diçka të pazakonte. Ngjarja ka ndodhur në Dudley të Mbretërisë së Bashkuar, siç raporton Mirror, kur një kalimtar ka lajmëruar policinë, pasi ka parë se fëmija i vogël ndodhej i mbyllur në makinë, nën dielli përvëlues.
Agjentët e policisë u konsultuan me mjekët që kishin mbërritur në vendngjarje, të cilët bënë me dije se fëmija rrezikonte jetën nëse do të rrinte edhe pak kohë nën diell, në ato temperatura.
Të gjendur përballë kësaj situate, policët hynë në aksion, duke thyer xhamin e makinës e duke shpëtuar të voglin, por kur e morën në krahë, vunë re se kishte diçka që nuk shkonte. Në të vërtetë, nuk ishte një fëmijë, por një kukull që dukej thuajse si e vërtetë.
Kukulla i përkiste Janaih, një vajze 10 vjeçare. Delesia, motra më e madhe e vajzës, kur u kthye tek makina, ngeli e habitur kur pa xhamin e thyer dhe gjeti një pusullë në të cilën shkruhej se duhej të telefononte policinë. “Duhej ta kuptonin që bëhej fjalë për një kukull, pasi nga duart është shumë e thjeshtë ta dallosh që nuk është një fëmijë”,- thotë vajza.
Dy motrat, në momentin që ndodhi ngjarja ishin në spital, ndërsa po i bënin një vizitë nënës së tyre të sëmurë. Policia pranoi të paguante riparimin e xhamit, i cili kushtonte rreth 120 euro./tesheshi.com/
