Një grua 41-vjeçare që garon me një 51-vjeçar, me moshë jo shumë diferente por krejt të ndryshëm nga njëri-tjetri.
Këto janë Ana Brbabiç dhe Ivica Daçiç, përkatësisht kandidatët për të zëvendësuar Aleksandër Vuçiçin në postin e kryeministrit të Serbisë.
Daçiçi është i diplomuar në shkollën e vjetër, ka pasur mentor Slobodan Milosheviçin dhe është njeriu i Moskës. Aktualisht është numri dy i qeverisë dhe ministër i Jashtëm, si dhe kryetar i Partisë Socialiste Serbe. Kjo forcë politike është si LSI tek ne: është në pushtet prej 8 vjetësh.
Ndërkohë Ana Brbabiç është e preferuar nga Perëndimi. E diplomuar në Universitetin e Hull-it në Britaninë e Madhe, ajo është ministre për decentralizimin lokal dhe nuk i përket asnjë partie politike
Presidenti i ri i Serbisë, Vuçiç ka paralajmëruar se qeveria e re do të formohet për dy muaj.
Vuçiç ka rishikuar mundësinë që të kandidojë një emër eksperteje jo-partiake, që pëlqehet sidomos nga Berlini dhe për faktin se një kryeministre femër në Ballkan do të jepte një imazh më të zbutur. /tesheshi.com/
