Katër vjet pas asaj humbjeje turpëruese në vendin e saj, në Botëtorin e 2014-ës, Brazili ka mundur të kryejë një hakmarrjeje të vockël ndaj Gjermanisë.
Në Olympiastadion, amerikanolatinët arritën një fitore 1-0, duke shpërfaqur njëherësh dhe dominim në lojë ku rezultati mund të ishte dhe më i thellë për shkak të rasteve të shumta.
Goli i vetëm u shënua nga sulmuesi i Manchester City-t, Gabriel Jesus, në minutën ‘37 të takimit.
Por duhet thënë se ekipi gjerman ishte përgjithësisht një ekip rezervash, pasi Joakim Low kreu 5 nga 7 zëvendësimet e mundshme. /tesheshi.com/
