Virusi koronar, i cili mbërriti në Brazil me një elitë të pasur që kthehej nga pushimet në Evropë, tani po vret të varfërit në lagjet me popullsi të dendur në qytete ku është më e vështirë të kontrollohet sëmundja.
Sipas shifrave të shëndetit publik për Sao Paulo, Rio de Janeiro dhe Fortaleza, javët e fundit, virusi nga lagjet e pasura ku shpërtheu epidemia për herë të parë është përhapur në lagje të varfëra.
Ndryshimi përkon me rritjen e shpejtë të afro 6,000 vdekjeve, dhe shkencëtarët kanë frikë se vendi më i madh i Amerikës Latine mund të bëhet fokusi i ri fatal i Covid-19.
Brazili është bërë vendi i nëntë në botë që tejkalon Kinën nga numri i vdekjeve, epiqendra e pandemisë globale të Covid-19. Në përgjithësi, rreth 78,200 njerëz janë të infektuar në vend.
Përhapja e virusit në shtresat e varfëra ndërlikon shumë betejën e Brazilit kundër virusit SARS-CoV-2 sepse nuk ka ujë të rrjedhshëm, sisteme septike dhe lehtësira shëndetësore në labirintin e shtëpive-barrakë.
Një problem edhe më i madh është se shteti nuk ka fuqi në këto lagje, pasi ato qeverisen nga bandat e drogës dhe masat e izolimit do të ishin të pamundura për t’u zbatuar.
Numri më i madh i vdekjeve u regjistrua në Brasilandia, një lagje e varfër në skajin verior të São Paulo, ku 67 njerëz vdiqën nga korona këtë javë.
Në Rio de Janeiro, epidemia shpërtheu fillimisht në lagjet më të pasura të Leblon, Copacabana dhe Barra da Tijuca, duke u zhvendosur në pjesët më të varfëra të Campo Grande, Bangu dhe Iraj.
E njëjta tendencë e zhvillimit të epidemisë është e dukshme në Fortaleza në verilindje të vendit, ku janë regjistruar 25,000 pacientë.
Megjithë numrin në rritje të vdekjeve, ka një kërkesë në rritje për lirimin e masave të izolimit. Presidenti Jair Bolsonaro është në favor të fillimit të aktivitetit ekonomik dhe argumenton se papunësia dhe uria mund të marrin më shumë jetë sesa vetë virusi. /tesheshi.com/
