Kili është skuadra e parë finaliste e “Botërorit të vogël”, sic quhet ndryshe Kupa e Konfederatave. Fituesit e kupës së Amerikës jugore, kanë mposhtur me 11-metërsha Portugalinë e Ronaldos, që vinte si kampione e Europës.
Skena e triumfit ka qenë e gjitha për portierin Bravo, i cili priti 3 penallti të portugezëve, duke e mbajtur të paprekur portën, ashtu sic bëri përgjatë 120 minutave. Kilenët do të presin në finale, fituesin e gjysëmfinales tjetër, që luhet të enjten mes Gjermanië dhe Meksikës.
Pavarësisht se kampionët e botës janë paraqitur me skuadër eksperimentale, duke mos patur asnjë lojtar trofembajtës në përbërje, trajneri Joakim Low, e ka kërkuar me insistim trofeun. Ndërkohë, edhe meksikanët janë shprehur ambiciozë për këtë kompeticion, duke u paraqitur me formacionin më të mirë. /tesheshi.com/
