Në kohën kur pjesa dërmuese e maqedonasve i frikësohen ndarjes së shtetit me shqiptarët, dhe ku për çdo ditë protestojnë thuajse në të gjitha qytetet e Maqedonisë kundër Platformës shqiptare, ka dhe nga ata që nuk bashkohen me këtë korr nacionalist. I tillë është analisti politik maqedonas, Branko Triçkovski, i cili ka shpërndarë një status mjaft interesant, në disfavor të bashkëkombasve të tij.
Ai në formë dialogu e ka sqaruar se si maqedonasët do të detyrohen të “shqiptarizohen”, pasi që Maqedonia nuk do të ndahet në dy pjesë, ndërmjet maqedonasve dhe shqiptarëve, por ndërmjet shqiptarëve dhe të tjerë. Këtë dialog, ai e quajti “Ndarje pa pjesën e Maqedonisë”.
“Ndarje pa pjesën e Maqedonisë
Një shok i vijës së ashpër mu lavdëronte që ka blerë dy hektarë tokë në malin Sharr dhe të gjithë biznesin e ka transferuar në Tetovë!- Më tha: Dua që kur Maqedonia të ndahet në dy pjesë, të takojë në pjesën e shqiptarëve!
Mirë i thash unë: A nuk është më natyrale që të kërkosh të biesh në pjesën e maqedonasve!? “Po” më tha, më natyrale është, por pjesë maqedonase nuk do të ketë!”, kështu shkruajti Branko Triçkovski në rrjetin social facebook.
Branko Triçkovski shquhet për nga qëndrimet kritike ndaj frymës nacionaliste të maqedonasve, pasi që sipas tij, parimisht duhet të zgjidhet qytetërimi dhe bashkëjetesa multietnike, dhe jo mbrojtja e të inkriminuarve të pushtetit.
Ai përveç tjerash ka edhe një pyetje tjetër për protestuesit maqedonas: “Meqë sot është moti i ligë dhe me rreshje të shiut, ku janë ata protestues të vijës së ashpër, në rrugë ose në terapi, ku mbeti atdhedashuria e tyre, kur bie shi?!”, ka shkruar Triçkovski në një status tjetër në facebook.
Kujtojmë se për dallim nga ditët tjera, sot është hera e parë që po dështon protesta e qytetarëve “Për Maqedoni të Bashkuar”, me arsyen se po bie shi. M.Krasniqi- /tesheshi.com/
