Një gjykatë federale e apelit ka hedhur poshtë një kërkesë nga stafi i Presidentit të SHBA Donald Trump për të bllokuar deklaratën e demokratit Joe Biden si fitues në atë shtet federal.
Gjykatësi Stephanos Bibas, në emër të komitetit treanëtarësh, tha se akuzat për mashtrim zgjedhor duhet të ishin specifike dhe të shoqëroheshin me prova, raporton Reuters.
“Ne nuk kemi asnjë këtu”, shkroi Bibas, i cili u emërua nga vetë Trump. Tashmë, çështja mund t’i referohet Gjykatës Supreme të SHBA.
Pensilvania këtë javë konfirmoi Biden si fitues të zgjedhjeve duke i dhënë demokratëve 20 votat e saj elektorale.
Trump vazhdon të refuzojë të pranojë humbjen elektorale, megjithëse nuk siguron prova konkrete të mashtrimit, të cilat ai pretendon se është në shkallë të gjerë dhe që, sipas tij, do të përmbysnin rezultatin përfundimtar të zgjedhjeve.
Republikani la të kuptohet të enjten se ai do të largohej nga Shtëpia e Bardhë nëse përpjekjet e tij ligjore dështonin dhe nëse konfirmohej që Biden kishte një shumicë të madhe të Kolegjit Zgjedhor.
Administrata e Trump-it hapi rrugë të hënën për transferimin e pushtetit te Biden, duke i dhënë atij hyrje në informacion dhe burime, por Trump ende njofton vazhdimin e luftës.
Menjëherë pas vendimit të premten, Trump postoi një video Newsmax në profilin e tij në Twitter në lidhje me një mashtrim të pretenduar të zgjedhjeve në Nevada.
Ekipi i Trump-it në Pensilvani paraqiti një kërkesë më parë në nëntor, duke pretenduar se zyrtarët e zgjedhjeve nuk trajtonin në mënyrë konsistente fletët e votimit të marra me postë. /tesheshi.com/
