Policia e Korçës ka shpallur në kërkim një nënë të re, 19-vjeçare, pasi dyshohet se braktisi djalin e saj, vetëm 3 vjeç.
“Specialistët e Seksionit për Krimet në Komisariatin e Policisë Korçë, filluan procedimin penal si edhe bënë shpalljen në kërkim të shtetases: A.Sh, 19 vjeçe, banuese në Korçë.
Procedimi ndaj saj filloi pasi, më datë 10.08.2017, në lagjen nr 4 në Korçë, dyshohet se ka braktisur djalin e saj të mitur 3 vjeç, i cili aktualisht është strehuar në “Shtëpinë e Foshnjës” në Korçë, ku ndodhet nën kujdesin edhe të punonjësve social.
Materialet i kaluan Prokurorisë të Rrethit Gjyqësor Korçë për veprat penale: “Braktisja e fëmijëve të mitur” dhe “Mosdhënia e mjeteve për jetesë” parashikuar nga nenet 124 dhe 125 të Kodit Penal”, thuhet në njoftimin e policisë. /tesheshi.com/
