Zv/kryeministri Erjon Braçe bëri prezantimin e Artan Lames si kreu Agjencisë Shtetërore të Kadastrës, institucioni më i ri i shtetit shqiptar, në të cilin u bashkuan në një Hipoteka me ALUIZNI-n.
“Përmes agjencisë së re qe krijohet duhet të përmbushen objektivat e vendosur. Krijimi i agjencisë së madhe ishte me qëllim të forcohej bashkëpunimi mes dy të parave. Kërkon shërbim, merrni shërbim. Mos paguani asgjë. Do ta luftojmë korrupsionin. Modernizimi i shërbimit do bëjë të mundur jo vetëm dhënien e shërbimit por edhe shmangien e korrupsionit”, tha Braçe.
Nga ana tjetër, Lame tha se krijimi i Agjencisë së Kadastrës është një prej rrugëve për të zgjidhur ngërçin e madh të pronave.
“Barra është e jashtëzakonshme po kjo është rruga e vetme për të zgjidhur problemet e tre dekadave për pronat. Reforma do jetë në drejtime: hartografi, shërbime, meritokraci”, tha Lame. /tesheshi.com/
