Valtteri Bottas do të jetë shoku i ri i skuadrës i britanikut Lewis Hamilton në sezonin e ri, një lëvizje që ka marrë formë zyrtare pasi qe lajmëruar që në dhjetor.
Finlandezi lë Williams-in për të zëvendësuar kampionin e botës, Nico Rosberg, i cili u tërhoq nga garat vetëm pak ditë pas triumfit.
Kontrata e nënshkruar nga Bottas me Mercedes-in është njëvjeçare, me mundësinë për ta zgjatur atë. Piloti finlandez është në Formula 1 prej katër vitesh, ku ka garuar për skuadrën Williams.
“Mendoj se me Lewis-in do të jemi një çift i fortë. E respektoj vërtet atë si pilot dhe si njeri. Jam i sigurt se mund të punojmë si një ekip,” do të theksonte Bottas pas nënshkrimit të kontratës.
Me largimin e Bottas-it nga Williams-i, në ekip është rikthyer braziliani Massa, që po ashtu ka nënshkruar një kontratë njëvjeçare.
Në moshë 35-vjeçare, Massa do të lajmëronte tërheqjen nga Formula 1 muaj më parë, një vendim i prapësuar me të riardhur mundësia për të pilotuar. /tesheshi.com/
