![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Kupa e Botës këtë vit do të mbahet në Katar nga data 21 nëntor deri më 18 dhjetor.
Tetë stadiumet do të jenë skena e një turneu 27-ditor që do të jetë Kupa e parë Botërore në Lindjen e Mesme.
Deri më tani, 15 kombëtare kanë fituar një vend në Botëror së bashku me mikpritësin, ku do të marrin pjesë gjithsej 32.
Këto janë:
Katari
Argjentina
Belgjika
Brazili
Danimarka
Anglia
Franca
Kroacia
Irani
Korea e jugut
Holanda
Gjermania
Serbisë
Spanja
Zvicra
Shorti për fazën e grupeve do të hidhet më 1 prill në kryeqytetin e Katarit, Doha.
Më poshtë po ju sjellim se si do të zhvillohen kualifikimet e mbetura në mbarë botën.
Afrika
Afrika në Botërorin e Katarit do të përfaqësohet nga pesë përzgjedhje, përkatësisht pesë fituesit e dy ndeshjeve që janë planifikuar për në muajin mars.
Takohen:
Egjipt – Senegal
Kamerun – Algjeri
Nigeri – Gana
DR Kongo – Marok
Mali – Tunizi
Azia
Pesë ose gjashtë përzgjedhje, në varësi të kualifikimeve të tjera, do të përfaqësojnë Azinë.
Sipas rregullave të FIFA-s, dy skuadrat e para nga secili grup do të kualifikohen në Kupën e Botës, ndërsa e treta do të luajë një ndeshje për të fituar play-offin ndërkontinental për një vend në Botëror.
Ajo që dihet është se në Grupin A, Irani dhe Koreja e Jugut fituan dy vendet e para pas tetë ndeshjeve. Kanë mbetur edhe dy raunde deri në fund, aktualisht Emiratet e Bashkuara Arabe janë të tretat me nëntë pikë, Libani me gjashtë, Iraku pesë, ndërsa Siria është e fundit me pesë dhe është eliminuar nga gara.
Në Grupin B, ku janë luajtur tetë raunde, kryeson Arabia Saudite me 19 pikë, Japonia ka një më pak, ndërsa Australia është e treta me 15 pikë. Njëkohësisht këto tri përzgjedhje mbetën në garë, por nuk dihet se kush do të shkojë direkt. Omani ka tetë, Kina pesë dhe Vietnami tre pikë në pjesën e dytë të kësaj tabele.
Evropë
Përveç 10 përzgjedhjeve që tashmë janë kualifikuar në Botërorin e Katarit, kanë mbetur edhe tre bileta për europianët.
Ato do të plotësohen përmes play off-it ku marrin pjesë 12 përzgjedhje.
Përballjet e pritshme të play off-it:
Uells – Austri, Skoci – Ukrainë. Fituesit do të luftojnë për Kupën e Botës më 29 mars në Cardiff ose Vjenë.
Rusi – Poloni, Suedi – Republika Çeke. Fituesit do të luftojnë për Kupën e Botës më 29 mars në Moskë ose Chorzovo.
Portugali – Turqi, Itali – Maqedonia e Veriut. Fituesit do të luftojnë për WC më 29 mars në Porto ose Konjë.
Amerika e Veriut, Qendrore dhe Karaibet
Tre ose katër ekipe, në varësi të kualifikimeve të tjera, do të përfaqësojnë zonën CONCACAF.
Një fazë e tretë e kualifikimeve të kësaj zone është në zhvillim e sipër dhe tre skuadrat më të mira shkojnë në Botëror, ndërsa e katërta luan një playoff ndërkontinental.
Kanë mbetur edhe katër raune deri në fund, ku Kanadaja kryeson me 22 pikë, SHBA-ja dhe Meksika kanë katër më pak dhe Panamaja është e treta me 17 pikë. Pasohet nga Kosta Rika (13), El Salvador (9), Xhamajka dhe Hondurasi, i cili ka tre pikë dhe është eliminuar.
Oqeani
Një skuadër do të përfaqësojë Oqeaninë, megjithëse mungesa e saj është e mundur.
Ndeshjet kualifikuese janë planifikuar për në datat 13-30 mars dhe fituesi do të luajë në play off-in ndërkontinental kundër vendit të katërt nga zona CONCACAF.
Amerika Jugore
Të paktën katër skuadra do të përfaqësojnë Amerikën e Jugut në Kupën e Botës në Katar.
Katër skuadrat më të mira nga kualifikimet e kësaj zone shkojnë direkt në Botëror, ndërsa skuadra e pestë luan në play off ndërkontinental.
Vendin e kanë siguruar tashmë Brazili (39 pikë) dhe Argjentina (35), Ekuadori është i treti (25) dhe ka siguruar vendin e pestë në rastin më të keq. Uruguai aktualisht është i katërti (22), Peruja është e pesta, e ndjekur nga Kolumbia me 17, Bolivia me 15 dhe skuadrat e eliminuara të Paraguajit (13) dhe Venezuelës (10).
Deri në fund të kualifikimit kanë mbetur edhe dy raunde.
Play off-et ndërkontinentale
Kjo pjesë e kompeticionit do të luhet më 13 dhe 14 qershor, ndërsa mikëpritësi do të jetë Katari. Janë dy vende në fjalë dhe ato takohen:
Fitues i kualifikimeve aziatike – Vendi i pestë nga zona e Amerikës së Jugut
Vendi i katërt në zonën CONCACAF – Fitues i kualifikimeve të Oqeanisë. /tesheshi.com/
