Në Botërorin FIFA 2026, të organizuar nga Meksika, SHBA-ja dhe Kanadaja, duhet të marrin pjesë 48 kombëtare, të cilat do të ndahen në 12 grupe të përbëra nga katër përzgjedhje, sipas mediave amerikane.
“Federata Ndërkombëtare e Futbollit (FIFA) ka përcaktuar formatin e garës në Botërorin e ardhshëm. Në turin e parë do të luajnë 48 përzgjedhje, të cilat do të ndahen në 12 grupe me nga katër skuadra.
Dy përzgjedhjet më të mira nga secili grup dhe tetë kombëtaret më të mira të vendit të tretë do të kalojnë në fazën tjetër. Kjo do të thotë se në kampionatin e ardhshëm do të luhen 104 ndeshje në vend të 64-ve të mëparshme”, sipas The Athletic.
16 grupe me tre ekipe u braktisën
Sipas informacioneve të këtij portali, është hequr dorë nga ideja për ndarjen e 48 kombëtareve në 16 grupe me tre ekipe.
“Në Kampionatin Botëror do të marrin pjesë edhe 16 kombëtare të tjera. Nga ato 16 kombëtare në kampionat, tre vende duhet t’u jepen kombëtareve aziatike, katër afrikane, dy të Amerikës së Veriut, dy të Amerikës së Jugut, tre të Evropës dhe një vend shtesë për ekipet nga Oqeania. Pjesëmarrësi i fundit i Botërorit do të njihet pas ndeshjeve të përballjeve ndërkontinentale”, përfundon The Athletic. /tesheshi.com/
