Federata Ndërkombëtare e Futbollit (FIFA) ka ripromovuar idenë e mbajtjes së Kupës së Botës cdo dy vjet në të ashtuquajturin Samit Botëror për të Ardhmen e Futbollit.
Ajo e ka përkrahur atë me aspektin financiar të eventit online, por nuk pritet që t’i bindë kundërshtarët e atij projekti, veçanërisht federatat evropiane dhe të Amerikës së Jugut.
Sipas agjencisë gjermane të lajmeve DPA, FIFA ka promovuar studime nga firmat e kërkimit të tregut Nielsen dhe OpenEconomics.
Siç shpjegoi FIFA, organizimi i Kupës së Botës çdo dy vjet do të rriste të ardhurat me gati 3.9 miliardë euro në katër vjet.
FIFA vëren se në ciklin e parë katërvjeçar për zhvillimin e futbollit, mund të ndajë 3.1 miliardë euro.
Për 211 anëtarë të FIFA-s, një rritje e të ardhurave do të nënkuptonte një pagesë shtesë prej rreth 14 milionë euro.
Por Federata Evropiane e Futbollit (UEFA) dhe CONMEBOL i Amerikës së Jugut kundërshtojnë me forcë Kupat e Botës më të shpeshta, të cilat FIFA po mbron pas vitit 2024.
Së fundmi UEFA prezantoi një studim, sipas së cilit nga kjo risi ulen të ardhurat e federatave kombëtare. /tesheshi.com/
