Pritësi: Spanja
Skuadra: 24
Formati: Faza e grupeve, raundi i dytë, ndeshja për vendin e tretë, finale
Ndeshje: 52
Golat: 146
Kampion: Italia
Nënkampion: Gjermania Perëndimore
Këpuca e Artë: Paolo Rossi (Itali)
Sfondi
Spanja priti për herë të parë Kupën e Botës, e cila u luajt në 14 qytete dhe 17 stadiume.
Numri i pjesëmarrësve u rrit nga 16 në 24.
Përzgjedhja e Argjentinës mbërriti në krahët e suksesit nga fusha vendase katër vite më parë dhe me talentin e ri Diego Maradona, por nuk shkoi përtej fazës së dytë.
Ndërkohë, Brazili ofroi futboll magjik për t’u mbajtur mend.
Edhe pse i udhëhequr nga yje si Zico, Falcao dhe Socrates, Brazili nuk arriti të kalojë në gjysmëfinale, pasi u mund nga kampionët e ardhshëm Italia.
Skuadra algjeriane, e cila luajti Botërorin e parë në historinë e saj, shkaktoi një nga surprizat më të mëdha të historisë, duke mposhtur me rezultat 2:1 kampionin e Evropës, Gjermaninë Perëndimore.
Ata mundën edhe Kilin, me 3:2, dhe patën mundësinë të kalojnë në turin e dytë, por këtë e pengoi rezultati i diskutueshëm i ndeshjes në të cilën Gjermania Perëndimore mundi Austrinë me 1:0.
Të dyja skuadrat kishin nevojë që Gjermania të fitonte një ose dy gola për të kaluar.
Pasi gjermanët shënuan golin në minutën e 10-të, asnjëra skuadër nuk tregoi shumë dëshirë për të ndryshuar rezultatin.
Debutues të tjerë ishin Kameruni, Hondurasi, Kuvajti dhe Zelanda e Re.
Pritësit, spanjollët, nuk kaluan përtej raundit të dytë dhe u vunë në shënjestër të akuzave për favorizim nga zyrtarët.
Në finalen mes ish-kampionëve Italisë dhe Gjermanisë Perëndimore, Paolo Rossi shënoi golin e tij të gjashtë në turne dhe fitoi Këpucën e Artë.
Për Italinë shënuan Marco Tardelli dhe Alessandro Altobelli, ndërsa për gjermanët Paul Breitner.
Italia fitoi kështu titullin e tretë të kampionatit botëror.
Anët e mira
Futja e goditjeve të penalltisë në rast se ndeshja nuk vendoset pas kohës shtesë.
Debutimi i Diego Maradona në Kupën e Botës.
Fitorja 10:1 e Hungarisë ndaj El Salvadorit, rekord në historinë e botërorëve.
Anët negative
Akuzat për paraqitje të padrejtë nga Gjermania Perëndimore dhe Austria në fazën e grupeve.
Kombëtarja britanike u përball me mundësinë e tërheqjes nga turneu pas Luftës së Falklands kundër Argjentinës, por vendosi të marrë pjesë. /tesheshi.com/
