Pritësi: Gjermania Perëndimore
Skuadra: 16
Formati: Faza në grup, raundi i dytë, play-off për vendin e tretë, finale
Ndeshje: 38
Golat: 97
Kampion: Gjermania Perëndimore
Nënkampion: Holanda
Këpuca e Artë: Grzegorz Lato (Poloni)
Sfondi
Turneu u organizua për herë të parë nga Gjermania Perëndimore dhe u luajt nën masa të rrepta sigurie, për shkak të përvojës së sulmeve të Mynihut nga Lojërat Olimpike të vitit 1972.
Ndeshjet u luajtën në nëntë qytete, duke përfshirë Berlinin Perëndimor.
Pas kualifikimeve të gjata, përzgjedhje si Anglia, Spanja, Meksika dhe Portugalia nuk arritën të kualifikoheshin në turne, ndërsa nga ana tjetër debutuan Gjermania Lindore, Australia, Haiti dhe Zaire (Kongo e sotme).
Brezi i artë i Brazilit u largua prej kohësh nga skena botërore dhe mori me vete stilin e futbollit samba, si dhe legjendën e Peles.
Në vitin 1974, Brazili kultivoi një stil tjetër futbolli, kështu që të preferuarit e tifozëve u bënë holandezët.
E drejtuar nga Johan Cruyff, kombëtarja holandeze luante “futbollin total”, në të cilin çdo lojtar mund të luante çdo rol në fushë, në varësi të pozicionit të tij.
Holandezët ishin të pamposhtur deri në finale, ku i priste kampioni aktual i Europës dhe mikpritësja Gjermania Perëndimore.
Cruyff fitoi një penallti në minutën e parë, para se ndonjë lojtar gjerman të kishte prekur topin, por vendasit e kundërpërgjigjën me penalltinë e tyre në minutën e 25-të.
Gerd Mueller shënoi golin e dytë për gjermanët para përfundimit të pjesës, i cili rezultoi vendimtar.
Anët e mira
Performanca holandeze e “total football” ka gëzuar tifozët.
Është prezantuar një trofe i ri, i quajtur “FIFA World Cup Trophy”, i punuar me ar 18 karatësh.
Oqeania dhe Afrika Sub-Sahariane kishin përfaqësuesit e tyre të parë në WC.
Gjermania Lindore dhe Perëndimore luajtën kundër njëra-tjetrës në fazën e grupeve dhe rezultati ishte tronditës – 1:0 për RDGJ.
Anët negative
Legjenda holandeze Cruyff dhe ikona gjermane Mueller i dhanë lamtumirën e fundit kampionatit botëror me këtë turne, në të cilin nuk luajtën më. /tesheshi.com/
