Zyrtarët e Federatës Botërore të Futbollit (FIFA) kanë marrë miliona ryshfete për vota që vendosën në organizimin e Botërorit 2018 në Rusi dhe 2022 në Katar, zbulon një dokument i prokurorit të Brooklyn-it.
Edhe pse është spekuluar për vite me radhë për rrethanat e dyshuara të këtyre vendimmarjeve për dy vende organizatore, kjo është hera e parë që një gjyqësor pretenduar se votat e dhëna për Rusinë dhe Katarin janë shoqëruar me parregullsi,.
Disa media kanë raportuar tashmë, duke iu referuar dëshmisë në dokumente, se zyrtarët e FIFA ishin paguar për të zgjedhur Katarin si organizator i Botërorit 2022.
Sipas një aktakuze, Jack Warner, ish-presidenti i CONCACAF, Shoqata e Futbollit të Amerikës Veriore dhe Qendrore dhe Karaibe, mori pesë milion dollarë për të votuar në favor të Rusisë.
Përveç Jack Warner, i cili në atë kohë ishte nënkryetar i FIFA-s, në dokument përmendet edhe Rafael Salguer, ish-presidenti i Federatës së Futbollit në Guatemala dhe një ish-anëtar i bordit ekzekutiv të FIFA-s. Ai akuzohet se ka marrë 1 milion dollarë për vota për Rusinë.
Edhe për Botërorin 2022 në Katar, aktakuza pretendon se më shumë zyrtarë të FIFA-s morën zarfe në këmbim të votave.
Këtu përmenden emrat e Presidentit të Federatës së Futbollit Brazilian (CBF) Ricardo Teixeira, si dhe ish- presidentit të Federatës së Futbollit të Amerikës së Jugut (CONMEBOL), Nicolas Leoz, i cili ndërroi jetë në gusht të vitit 2019.
Hetimet për korrupsionin në procesin e caktimit të vendeve organizatore për Kupat Botërore 2018 dhe 2022 janë hapur në disa vende.
Deri më tani, 45 persona janë paditur nga gjyqësori amerikan si pjesë e një afere “FIFAgate” që zbuloi një sistem të përhapur korrupsioni që përfshinte kryesisht federatat e futbollit në kontinentin amerikan. Deri më tani, 26 persona janë dënuar.
Jack Warner, 77 vjeç, i cili kërkohet nga gjyqësori amerikan, aktualisht banon në Trinidad dhe Tobago. Ai u dënua në mungesë në vitin 2019 dhe iu desh të paguante 79 milion dollarë dëme dhe interes për CONCACAF.
Dhe Rafael Salguero u dënua në dhjetor 2018 me arrest shtëpie tre vjet. Dënimi i tij u zvogëlua për shkak të bashkëpunimit të tij me gjyqësorin amerikan.
Sa për Ricardo Teixeira, ai është akoma në Brazil dhe po iu ikën autoriteteve amerikane. /tesheshi.com/
