A ju ndodh që pasi të shikoni lajmet apo ndonjë program në televizor të ndiheni të acaruar, të frustruar dhe të frikësuar? Agjensitë e lajmeve kanë zhvilluar strategji të ndryshme për të konkurruar me industrinë argëtuese (ku përfshihen programet argëtuese) dhe për të rritur shikueshmëritë. Si rrjedhojë kanë tendencën të ekzagjerojnë gjërat dhe të paraqesin një kronikë të zezë të çdo gjëje që ndodh përreth. Sipas specialistit të komunikimit George Gerbner ky lloj fenomeni njihet si “Sindroma e Botës së ligë”. (Mean World Syndrome).
Pika kryesore ku përqendrohet teoria e Gerbnerit është impakti që shkakton shikimi i televizorit në jetët tona. Sipas The Atlantic, ekzistojnë rreth 3 mijë studime vetëm para vitit 1971 që sygjerojnë lidhjen e shikimit të televizorit me krimet. Shumica prej këtyre studimeve tregojnë se fëmijët nuk duhet të ekspozohen ndaj dhunës në televizor. Por sipas Gerbner, më shumë duhet të fokusohemi tek mënyra se si portretizohet dhuna në televizor.
Sasia e pakufizuar e dhunës në masmedia mund ta normalizojë sjelljen agresive çka do të thotë se fillojmë e bëhemi të pandjeshëm ndaj dhunës. Sa më të dhunshme na e shfaq botën media aq më shumë ne e besojmë se ajo është e tillë. Kështu fillojmë dhe frikësohemi dhe na shtohet ankthi, fillojmë të krijojmë varësi ndaj autoriteteve dhe fillojmë të ndërmarrim vendime si të banuarit nëpër geto apo përkrahja e dënimeve me vdekje.
Zgjidhja? Duhet të angazhohemi në kontributin tonë ndaj shoqërisë, të marrim lajme vetëm nga burime të besueshme dhe serjoze dhe sa më pak televizor dhe media çdo ditë dhe një herë në javë ta bëjmë pushim ndaj çdo lloj lidhje me mediat. /tesheshi.com/
