Kryeministri i Kosovës Albin Kurti u takua me policin Besart Ahmeti, i cili e arrestoi atë gjatë një demonstrate 16 vjet më parë.
“Sot, në zyrën time kam pritur ministrin e Brendshëm dhe zyrtarë të lartë të Policisë së Kosovës. Mes tyre ishte Besart Ahmeti, të cilin e takova pas afro 16 vjetësh. Kapiteni Ahmeti kryente në mënyrë profesionale detyrat e policisë në njësinë speciale në Bërnjak dhe zhvilloi negociata të shkëlqyera në atë fushë. Nuk shtrënguam duart për shkak të pandemisë”, thuhet në faqen zyrtare në Instagram të Kryeministrit të Kosovës.
Ahmeti ishte pjesë e një delegacioni të policëve të kryesuar nga Drejtori i Përgjithshëm Samedin Mehmeti dhe Ministri i Brendshëm Xhelal Sveça, të cilët Kurti i priti në kabinetin e tij.
Kurti vlerësoi se Policia e Kosovës, veçanërisht Njësitë Speciale, kanë treguar se është profesionale dhe e gatshme për të mbrojtur sovranitetin e Kosovës dhe për të siguruar rendin dhe sigurinë pa dallim.
Arrestimi në 2005
Kurti postoi një fotografi ku shihet se si Ahmeti e shoqëron në paraburgim pas një proteste të vitit 2005 të Vetëvendosjes kundër pranisë së OKB-së në Kosovë.
Përveç Kurtit, në atë kohë u arrestuan edhe 30 mbështetës të tij.
Kryeministri aktual i Kosovës është arrestuar disa here, ku hera e parë ka qenë në tetor 1997 për organizimin e protestave të studentëve. Sigurisht, nga policia serbe. /tesheshi.com/
