Sipas një studimi të publikuar të enjten nga The Geological Society of America, i emëruar Zelandia është tashmë kontinenti iu bashkangjitet shtatë të tjerave: Afrikës, Azisë, Antartikës, Australisë, Europës, Amerikës Veroriore dhe Amerikës Jugore. Sido që të jetë, para se të ngutemi e të themi se tani kemi tetë kontinente, gjeologët ende mund të thonë se ende i kemi vetëm shtatë kontinente, ngase shumë prej tyre e konsiderojnë Europën dhe Azinë si një kontinent të vetëm, të njohur si Eurazia.
Më parë mendohej se Australia dhe Zelanda e Re ndajnë një kontinent, të quajtur Australazia. Sidoqoftë, studimi i fundit 10-vjeçar i kryer nga 11 shkencëtarë, tregon se këto dyja, faktikisht, pozicionohen në kontinente të ndara.
Zelanda e Re ka 1.8 milion milje katrorë tokë, e quajtur tani Zelandi. Ky kontinent i ri gjithashtu përfshin Kaledoninë e Re, me disa territore tjera dhe grupe ishujsh.
Ideja se aty, faktikisht, janë dy kontinente, nuk është e re. Gjeofizikanti Bruce Luyendyk i pari sajoi termin Zelandia në vitin 1995.
“Ky nuk është një zbulim i papritur, por zbulim që erdhi gradualisht; 10 vite më parë ne nuk do t’i kishim këto të dhëna dhe s’do të ishim aq të sigurt për të shkruar këtë letër.”, shënuan autorët.
Studiuesit kanë përdorur detajet e fundit, të ardhura nga satelitet, bashkë me hartat e gravitetit të oqeaneve fundore, për të argumentuar se Zelandia është pjesë e një regjioni të unifikuar, kriter ky i nevojshëm për të përcaktuar nëse një pjesë toke është kontinent. /tesheshi.com/
