Çdo ditë e më shumë po vërtetohet se këtë vit Ballkani do të ketë situatën më të rëndë pas viteve ‘90 të shekullit të kaluar.
Dhe do të jetë Bosnja sërish fitili i fuçisë së barutit.
Pas humbjes së Malit të Zi që tashmë është bërë anëtar i NATO-s dhe një lëvizje të Serbisë drejt BE-së, Moska po sulmon fort Maqedoninë dhe Bosnjë Hercegovinën si dy vendet më të brishta të rajonit.
Dhe është pikërisht Bosnja që pritet të vuajë prsionin rus siç ka ndodhur në vitin 1914 kur nga Moska u provokua shpërthimi i Luftës së Parë Botërore dhe në vitin 1990 ku tentuan të zhdukin nga faqja e dheut muslimanët e Bosnjës por që nuk ia arritën dot.
Siç bën të ditur B92, Presidenti i Republika Srbska, Milorad Dodik është thirrur tek Putin për të sulmuar Përfaqësuesin e Lartë Ndërkombëtarë në Bosnjë, diplomatin austriak Valentin Inzko.
Dodik e ka akuzuar austriakun për “dhunë” dhe shkelje të Marrëveshjes së Dayton-it.
Situata është e njëjtë si në kohën para shpërthimit të Luftës së Parë Botërore kur austriakët dhe rusët përplaseshin mes tyre.
Putin e ka thirrur Dodik për karshillëk ndaj amerikanëve që kanë ftuar kryeministrin serb Aleksandër Vuçic në Uashington.
Ndërkaq, njeriu i Putinit në qeverinë serbe, ministri i jashtëm Ivica Daçiç ka sulmuar muslimanët e Bosnjës në Asamblenë e Përgjithshme të OKB-së.
Daçiç sulmoi politikanin boshnjak Sefer Haliloviç, i cili ka deklaruar se referendumi që po mbajnë serbët e Bosnjës do t’i shkatërrojë ata vetë.
Ministri i jashtëm serb theksoi se “deklarata e Haliloviçit është një kërcënim dhe paralajmërim për luftë, pasi duke qenë një zëdhënës jo zyrtar i Izetbegoviçit, përbën edhe mendimin që ka vetë Presidenti i Bosnjës dhe njëherësh kreu i muslimanëve”.
Daçiç shkoi më tej duke akuzuar muslimanët e Bosnjës se po përgatiten për luftë.
“Serbia padyshim që kërkon paqe dhe do të bëjë gjithçka të ruajë stabilitetin, por ne nuk do të lejojmë një sulm ushtarak ndaj Republika Srbska”, tha Daçiq duke folur si general ushtrie.
Uashington Post në një shkrim të tijin ditën e sotme theksonte se Rusia i ka futur kthetrat fort në Ballkan dhe synon ta mbajë rajonin peng.
“Analistët dhe politikanët lokalë pro-rusë po fuqizojnë edhe më fort rrëthmin rus, duke ua kujtuar audiencave veton e Moskës për bllokimin e miratimit të rezolutës për gjenocidin serb në Srebrenicë në Këshillin e Sigurimit të Kombeve të Bashkuara dhe ndihmën ruse për dështimin e panimit të Kosovës në UNESCO. Kundërshtimi i Qeverisë serbe ndaj kërkesës së Kosovës për anëtarësim në UNESCO kishte qëllimin kryesor të kontaminimit të njohjes zyrtare të ekzistencës së Kosovës; kundërshtimi zyrtar serb, megjithatë ishte një sukses prej pales serbe që pretendon se nuk mund t’i besohet Qeverisë së Kosovës se mund t’i mbrojë manastiret ortodokse serbe”, shkruan Uashington Post. /tesheshi.com/
