Për të gjashtin vit me rradhë, bashkësia kulturore boshnjake në Maqedoni ka organizuar Marshin e Shkupit për Srebrenicën me moton “Mos e harro Srebrenicën”.
Marshi për Srebrenicën u nis nga Çarshia e vjetër e Shkupit dhe përfundoi te Ura e Gurit, ku u lexua Deklarata për Srebrenicën.
“Më 04.02.2010 Kuvendi i Republikës së Maqedonisë e mbështeti Rezolutën e Parlamentit Evropian për Srebrenicën, të miratuar më 15 janar të vitit 2009 dhe u angazhua se në mënyrë përkatëse do ta shënojë 11 korrikun – Ditën e përkujtimit të gjenocidit në Srebrenicë me çka do të nderohen viktimat e masakrës me ç’rast jemi mirënjohës si pjesëtarë të komunitetit etnik boshnjak dhe shtetas të Maqedonisë”, thuhet në kumtesën e Bashkësisë kulturore boshnjake në Maqedoni. /tesheshi.com/
