Bavarezët e Bajernit të Mynihut nuk e kanë më shifrën zero te humbjet. Për skuadrën e Ancelotti-t ka ardhur dhe dështimi i parë sezonal në Bundesligë. Pikërisht në javën e 11-të, e pikërisht nga rivali kryesor në vitet e fundit.
Borusia e Dortmundit sapo ka fituar 1-0, e tanimë gjendet në vend të tretë në klasifikim, me vetëm tre pikë larg Bajernit të Mynihut.
Aubameyang ka qenë shënuesi i golit të vetëm në minutën e 11-të, që ka ardhur pas një topi të dhënë në zonë nga ish-lojtari i Bajernit, Mario Götze.
Miqtë kanë patur rastet e tyre, por humbja nuk është shmangur.
Fitorja e Borusias së Dortmundit është lajmi më i mirë për Lajpcigun, që do të vijojë ta mbajë kryesimin në renditjen e Bundesligës.
Këlni, skuadra ku aktivizohet Mërgim Mavraj, ka fituar pasdite 2-3 në fushën e Borusias së Mynshegladbahut, dhe ka 21 pikë, aq sa Borusia e Dortmundit. Herta e Berlinit ka gjithashtu të njëjtin numër pikësh. /tesheshi.com/
