Kreu i diplomacisë europiane, Josep Borrell, tha të mërkurën se ai beson me vendosmëri se pranimi i Ballkanit Perëndimor në BE është në interes të përbashkët dhe se ai do të “forcohente gjeopolitikisht” si BE-në ashtu edhe rajonin
“Aderimi në BE është një proces i bazuar në merita. Çdo vend kandidat duhet të përmbushë standardet dhe, rregullat që mbështesin vlerat thelbësore të BE-së dhe të zbatohen në mënyrë të barabartë për të gjitha shtetet anëtare. Kushtet janë të qarta dhe i takon kandidatëve t’i përmbushin ato. Kjo është arsyeja pse është e vështirë të caktohet ndonjë kornizë kohore e saktë, pasi procesi është kryesisht në duart e partnerëve tanë”, tha Borrell në një intervistë për mediat malazeze para vizitës së nesërme në Podgoricë.
Ai deklaroi se agresioni rus kundër Ukrainës është një alarm zgjimi kur bëhet fjalë për nevojën për të përshpejtuar procesin e bashkimit me Ballkanin Perëndimor.
“Nuk kemi kohë për të humbur. Procesi i reformës së BE-së duhet të shkojë paralelisht me hapat e ardhshëm në procesin e zgjerimit”, tha kreu i diplomacisë evropiane dhe theksoi se BE-ja do të vazhdojë të mbështesë fuqishëm të gjashtë vendet e Ballkanit Perëndimor, politikisht, teknikisht dhe financiarisht, në mënyrë që ato “të ndihmohen të përmirësojnë reformat kryesore politike, institucionale, sociale dhe ekonomike që janë të nevojshme për përparimin në rrugën drejt BE”. /tesheshi.com/
