Ministri i Jashtëm i BE-së Joseph Borrell njoftoi ministrat e Jashtëm të BE-së në një takim në Bruksel për rifillimin e dialogut midis Serbisë dhe Kosovës, duke shprehur shpresën se takimi i radhës i dialogut, i planifikuar për të enjten (16 korrik) në Bruksel, do të çojë në ” hapa të rëndësishme drejt normalizimit të marrëdhënieve midis Serbisë dhe Kosovës “.
“Unë jam i kënaqur të njoftoj që dialogu midis Serbisë dhe Kosovës është rifilluar, dhe se bisedimet, të cilat filluan të dielën, do të vazhdojnë me një takim të dytë të enjten,” tha Borrell.
Borrell, kryesues i takimit të parë fizik të Këshillit të BE që nga prezantimi i masave kufizuese kundër COVID-19, informoi ministrat e jashtëm të Unionit se elementët kryesorë të procesit dhe axhendës së takimit të dialogut Serbi-Kosovë ishin rënë dakord në një video-konferencë të dielën.
“Ne kemi një axhendë të gjerë dhe një marrëveshje për atë që duhet të diskutojmë në mënyrë që të arrihet një marrëveshje juridikisht detyruese për normalizimin e marrëdhënieve midis Kosovës dhe Serbisë,” tha Borrell.
Ai vlerësoi se BE dhe përfaqësuesi special për dialogun midis Serbisë dhe Kosovës, Mirosllav Lajçak, “bëri një punë të mirë” me qëllim që të rindizet dialogu midis Serbisë dhe Kosovës. /tesheshi.com/
