Kreu i diplomacisë europiane Josep Borrell thotë se status quo-ja aktuale është një situatë e paqëndrueshme në dialogun Serbi-Kosovë.
Ai pret një rifillim të shpejtë të bisedimeve me qëllim të një normalizimi gjithëpërfshirës të marrëdhënieve dhe thekson se është i gatshëm të angazhohet me të gjithë aktorët politikë në Kosovë.
Borrell është i gatshëm për rolin e ndërmjetësit të BE-së në dialog, por edhe për angazhimin e vazhdueshëm me të gjithë aktorët politikë në Kosovë.
“Nuk ka asnjë alternative për rifillimin e shpejtë të bisedimeve për normalizimin midis Serbisë dhe Kosovës, veç asaj të krijimit të kushteve të nevojshme për të vazhduar dialogun, për të mirën e të gjithëve,” thotë Borrell.
Borrell shton se emërimi i Miroslav Lajcko si Përfaqësues Special për Dialogun Serbi-Kosovë dhe çështje të tjera rajonale është “një sinjal shtesë i një angazhimi të fortë të BE-së në dialog”. /tesheshi.com/
