Josep Borrell theksoi mbështetjen që Bashkimi Evropian ofron për Ballkanin Perëndimor (Reuters)
Liderët e Ballkanit Perëndimor u mblodhën në Neë York, në një drekë joformale të organizuar për ta nga Përfaqësuesi i Lartë i Bashkimit Evropian për Politikën e Jashtme dhe Sigurinë, Josep Borrell, gjatë seancës së Asamblesë së Përgjithshme të Kombeve të Bashkuara.
Në takim morën pjesë kryeministrat e Malit të Zi Dritan Abazoviç, i Shqipërisë Edi Rama, presidenti i Serbisë Aleksandar Vuçiç, presidentja e Kosovës Vjosa Osmani, kryetari i Presidencës së Bosnjës Shefik Xhaferoviç dhe kryeministri i Maqedonisë së Veriut, Dimitar Kovaçevski.
Shërbimi Evropian i Veprimit të Jashtëm (EEAS) tha se diskutimi u fokusua në ndikimin global dhe rajonal të luftës së paligjshme dhe të paprovokuar të Rusisë kundër Ukrainës.
Borrell dhe liderët e Ballkanit Perëndimor diskutuan se si të trajtohen së bashku efektet e dëmshme të kësaj lufte në çmimet e ushqimit dhe energjisë, si dhe stabilitetin dhe sigurinë në Evropë dhe globalisht.
Borrell theksoi mbështetjen e BE-së për Ballkanin Perëndimor për të përmirësuar sigurinë e energjisë dhe për të adresuar kërcënimet hibride, duke përfshirë manipulimin dhe ndërhyrjen e informacionit kibernetik dhe të huaj, thuhet në deklaratë.
“Ballkani Perëndimor në BE, sa më shpejt të jetë e mundur”, ka shkruar kryeministri i Malit të Zi në Tëitterin e tij lidhur me takimin e përmendur.
“Gjatë takimit me Borrell-in fola për përkushtimin e institucioneve të Kosovës për paqen dhe integrimin euroatlantik. Gjithashtu theksova urgjencën e finalizimit të procesit të liberalizimit të regjimit të vizave dhe përparimin e rrugës sonë drejt BE-së, si dhe nevojën për të mbështetur Kosovën në tejkalimin e sfidave energjetike”, tha Vjosa Osmani. /tesheshi.com/
