Përfaqësuesi i Lartë i BE-së për Marrëdhëniet me Jashtë dhe Politikën e Sigurisë, Josep Borrell, theksoi se sistemi i unanimitet ka pasoja negative për besueshmërinë dhe efikasitetin e BE-së.
Përfaqësuesi i Lartë i BE-së për Politikën e Jashtme dhe Sigurinë, Josep Borrell tha se BE duhet të braktisë parimin e unanimitet, i cili e pengon atë të marrë vendime të rëndësishme pasi zgjerimi të kthehet në axhendë.
Borrell shkroi një artikull në lidhje me rezultatet e samitit të javës së kaluar të liderëve të BE-së, i cili u shpotit rëndë nga kryeministri Rama.
“Ndërsa inkurajojmë zgjerimin e BE-së, ne duhet të bëjmë një përpjekje të ngjashme për të reformuar BE-në dhe vendimmarrjen tonë. Sepse BE-ja e zgjeruar duhet të jetë në gjendje të veprojë më lehtë. Do të thotë gjithashtu ngushtim i fushës së rregullave të konsensusit në politikën e jashtme dhe fusha të tjera, marrjen e më shumë vendimeve me një shumicë të cilësuar”, tha Borrell, duke mbështetur kështu atë që kërkon dhe kreu i qeverisë shqiptare..
Borrell vuri në dukje se BE-së iu desh një muaj për të pranuar paketën e 6-të të sanksioneve kundër Rusisë në fund të majit, por disa nga pikat e dakorduara në Këshill (siç është sanksioni ndaj Patriarkut Kirill të Kishës Ortodokse Ruse) nuk mund të ishin pasqyruar në paketën përfundimtare.
Pasojat negative
“Ne kemi përjetuar dinamikë të ngjashme në fillimin e negociatave të pranimit me Maqedoninë e Veriut dhe Shqipërinë, me një vend (Bullgaria) që bllokon një vendim që të gjithë të tjerët mund ta pranojnë,” tha Borrell, duke theksuar kështu pikërisht atë me të cilën nuk është dakort Rama.
Borrell theksoi se sistemi i unanimitet ka pasoja negative për besueshmërinë dhe efikasitetin e BE-së.
Ai deklaroi se ideja e “bashkësisë politike evropiane” të presidentit francez Emmanuel Macron u pranua nga të gjithë liderët në samit.
“Komuniteti politik evropian mund t’u mundësojë vendeve kandidate të marrin pjesë menjëherë në politika të ndryshme të BE-së. Ai gjithashtu mund të përfshijë, nëse ata dëshirojnë, disa vende që nuk u kërkohet të anëtarësohen në Union, si Norvegjia, Zvicra apo Mbretëria e Bashkuar”, tha Borrell. /tesheshi.com/
