Kreu i diplomacisw europiane Josep Borrell tha të martën se pas dhjetë vjet dialogu midis Kosovës dhe Serbisë në Bruksel, ka ardhur koha për t’i dhënë fund procesit.
“Dhjetë vjet më parë, takimi i parë i dialogut ndërmjet Kosovës dhe Serbisë u mbajt në Bruksel. Ne kemi bërë një rrugë të gjatë që nga ajo kohë dhe është koha që procesi të përfundojë,” shkroi ai në profilin e tij në Twitter.
Borrell, si ndërmjetësi kryesor aktual në dialogun midis Serbisë dhe Kosovës, deklaron se BE po punon me të dy palët për të arritur një marrëveshje gjithëpërfshirëse për normalizimin.
“Kjo do të hapë rrugën për Serbinë dhe Kosovën për një të ardhme evropiane,” përfundoi Borrell. /tesheshi.com/
