Shefi i diplomacisë së Bashkimit Evropian, Josep Borrell, vlerëson se bashkëpunimi i intensifikuar me SHBA dhe BE do të ndihmojë procesin e dialogut midis Beogradit dhe Prishtinës.
I pyetur nëse ai kishte diskutuar raundin e fundit të bisedimeve në Bruksel midis Aleksandar Vuçiç dhe Albin Kurti me Presidentin e SHBA Biden, Josep Borrell tha se ai kishte informuar Sekretarin e Shtetit Antony Blinken për këtë.
“Tani ka një bashkëpunim shumë të mirë midis Shteteve të Bashkuara dhe Evropës. Nuk është më një garë ku SHBA po përpiqen të imponojnë në dialog atë që është një proces i udhëhequr nga BE. Tani po punojmë ngushtë së bashku dhe kjo do të ndihmojë,” tha Borrell.
Ministri i jashtëm i BE thotë se gjatë takimit të Këshillit të BE, ai informoi ministrat e jashtëm të vendeve anëtare për raundin e fundit të dialogut të zhvilluar në Bruksel më 15 qershor, por edhe për qëllimin për të mbajtur një raund tjetër para verës.
Borrell nuk iu përgjigj pyetjes se si e vlerëson bashkëpunimin e Albin Kurtit si një partner i ri në bisedimet për normalizimin e marrëdhënieve me Beogradin. /tesheshi.com/
