Shefi i politikës së jashtme të BE-së Josep Borrell ka njoftuar se, pavarësisht ikjes së Britanisë së Madhe nga Unioni, ajo do të vazhdojë të ndjekë vazhdimisht detyrimet e saj ndërkombëtare dhe të forcojë unitetin e saj të brendshëm dhe të krijojë partneritete me vende të tilla tjera aspirante.
“Ne vazhdojmë t’i përmbushim detyrimet tona. Ne do të vazhdojmë t’u përmbahemi marrëveshjeve që na lidhin me partnerët tanë ndërkombëtarë, si dhe të zhvillojmë korniza bashkëpunimi shumëpalësh në të gjithë botën”, shkroi Borrell në një kolanë të tij.
Përfaqësuesi i Lartë i BE theksoi se e vërteta themelore është se sfidat e sotme globale, nga ndryshimi i klimës, krimi në internet, terrorizmi apo pabarazia, kërkojnë një përgjigje kolektive.
Ai shtoi se përballë këtyre sfidave, dora e bashkëpunimit mbetet e hapur për të gjithë, madje edhe me Mbretërinë e Bashkuar pas Brexit, sepse sa më shumë kjo e fundit të jetë në gjendje të vazhdojë me BE-në dhe me partnerët në të gjithë botën, aq më të mëdha janë shanset për të adresuar në mënyrë efektive këto çështje.
“Në zemër të projektit të Bashkimit Evropian është ideja që ne jemi më të fortë së bashku, dhe se bashkimi i burimeve dhe iniciativave tona është mënyra më e mirë për të arritur qëllimet tona të përbashkëta. Brexit nuk e ndryshon këtë dhe ne vazhdojmë me projektin tonë”, tha Shefi i Eurodiplomacisë.
Borrell kujtoi që anëtarët e Unionit vazhdojnë të përbëjnë tregun e vetëm të 450 milion qytetarëve dhe më shumë se 20 milion ndërmarrjeve, të cilat vazhdojnë të jenë blloku më i madh tregtar në botë. Por, siç theksoi ai, anëtarët e Unionit në marrëdhëniet me Mbretërinë e Bashkuar duan të tejkalojnë këtë mbi bazën e vlerave të përbashkëta.
“Ne duam të kalojmë përtej kornizës së tregtisë dhe të punojmë së bashku në siguri dhe mbrojtje, ose në fushat në të cilat Mbretëria e Bashkuar ka përvojën dhe burimet që mund të përdoren më së miri në një përpjekje të përbashkët,” shkroi Borrell. /tesheshi.com/
