Një takim video i liderëve nga Ballkani Perëndimor dhe Bashkimi Evropian do të konfirmojë se rajoni ka një “perspektivë evropiane” të qartë dhe se ne do të trajtojmë financiarisht dhe ekonomikisht pandeminë koronare dhe do të mbështesim rimëkëmbjen afatgjatë të rajonit, tha të martën kreu i diplomacisw sw BE, Josep Borrell.
Ai shtoi se mund të jetë më e përshtatshme të theksohet “perspektiva e rajonit mbi BE”, por theksoi se nuk ka dyshim se BE dëshiron të ndjekë një politikë të mirëpritjes së partnerëve në Ballkanin Perëndimor.
“Dëshira e madhe e Komisionit Evropian ishte të krijonte një plan të rimëkëmbjes ekonomike dhe investimeve për rajonin, i cili është shtylla e tretë e marrëdhënieve tona me Ballkanin Perëndimor,” tha Borrell.
I pyetur nëse mbështetja prej 3.3 miliardë eurosh e Komisionit për ndihmë të menjëhershme për rajonin në eliminimin e efekteve të virusit, do të thotë se Unioni gjithashtu mund të ndihmojë që rajoni të dalë nga një ngërç ekonomik dhe social dhe shoqëror dy dekadësh, Borrell tha se ky është qëllimi i planit të shpallur të Komisionit.
Qëllimi është “të bashkojmë një plan afatgjatë të rimëkëmbjes, duke stimuluar rritjen ekonomike, forcimin e tregtisë dhe mbështetjen e reformave të nevojshme që kërkojnë rrugën për në BE”.
Komisioni Evropian dhe Bashkimi Evropian do të përqendrohen gjithashtu në transportin dhe ndërlidhjet e energjisë, infrastrukturat e nevojshme për zhvillimin ekonomik, si dhe “korridoret e gjelbërta” dhe transformimin dixhital, të cilat janë të gjitha prioritetet e Komisionit. /tesheshi.com/
