Ministri i Jashtëm britanik, Boris Johnson deklaroi se veprimi rus ndaj vendit të tij nuk ka qenë vetëm në rastin “Skripal” por edhe më gjerë.
Duke folur në BBC, Johnson tha se Moska ka shpenzuar miliona paund në televizionet e vendit për të krijuar një fushatë që e trazoi opinionin publik për çështjen Brexit dhe raste të tjera.
Ministri i Jashtëm i Mbretërisë së Bashkuar tha se po bëhen gati masa të tjera shtesë kundër Rusisë, por nuk përmendi se për cilat masa bëhet fjalë.
Mediat britanike flasin për ngrirje massive të fondeve të oligarkëve të mëdhenj rusë, që në Britani kanë gjetur parajsën e tyre fiskale. /tesheshi.com.
