Boris Johnson do të fillojë sot procesin e formimit të qeverisë, duke pasuar edhe zyrtarisht Theresa May. Udhëheqësi i ri konservator do të marrë detyrën sot pasdite, pas një takimi me Mbretëreshën në Buckingham Palace.
Pas hyrjes në Doëning Street, ai pritet të njoftojë së kë e ka vënë në postet e larta të kabinetit, duke përfshirë edhe ministrat e jashtëm dhe të brendshëm, ata që llogariten si më kryesorët.
Burimet pranë Johnson thonë se ekipi i tij do të pasqyrojë “Britaninë moderne”. Ai pritet të përdorë mundësinë për të rritur përfaqësimin e pakicave etnike.
Johnson fitoi bindshëm kundër sekretarit të jashtëm Jeremy Hunt – duke fituar një total prej 66.4% të votave. Thuhet se po kryen bisedime të vazhdueshme midis Z. Hunt dhe Z. Johnson për postin e ardhshëm të sekretarit të jashtëm.
Ish-kryebashkiaku i Londrës pritet t’i drejtohet vendit për herë të parë në orën 16:00 pas pranimit të ftesës së Mbretëreshës për të formuar një qeveri. /tesheshi.com/
