Sipas një plani të ri për Brexit nga kryeministri britanik Boris Johnson, Irlanda Veriore do të mbetej në marrëdhënie speciale me Bashkimin Evropian deri në vitin 2025.
Sipas planit, në pritje për t’u shpallur, Irlanda Veriore do të mbetet kryesisht në tregun e vetëm të Bashkimit Evropian deri në të paktën 2025, por krahina do të linte Bashkimin Doganor me pjesën tjetër të Mbretërisë së Bashkuar, thuhet në raport.
Partia Unioniste Demokratike e Irlandës Veriore (DUP) është kryesisht “e kënaqur” me propozimet, raportoi The Guardian, duke shtuar se plani u mbështet nga lideri i DUP-ut, Arlene Foster.
Ministri i Jashtëm irlandez Simon Coveney tha megjithatë se propozimet nuk do të siguronin një bazë për një marrëveshje me Bashkimin Evropian dhe ishin “shqetësuese”.
Siç u njoftua, Johnson do të zbulojë ofertën e tij të fundit të Brexit para Bashkimit Evropian këtë të mërkurë, duke sqaruar se nëse Brukseli nuk i përgjigjet propozimit, Mbretëria e Bashkuar nuk do të negociojë më tej dhe do të largohet nga Bashkimi në 31 tetor pa marrëveshje. /tesheshi.com/
